Հրադադարից հետո Սիրիայի հյուսիսում 120կմ շառավղով տարածքը կանցնի Թուրքիայի վերահսկողության տակ

Րոպեներ անց՝ ժամը 22:00-ին, կլրանա 120-ժամյա հրադադարը Սիրիայի հյուսիսարևելյան հատվածում, որից հետո կվերսկսվեն թուրքական զինուժի «Խաղաղության ակունք» ռազմական գործողությունները:

Ըստ թուրքական «Hürriyet» թերթի` հրադադարի ավարտից հետո, երբ Սիրիայի քրդական «Ժողովրդական ինքնապաշտպանական ջոկատները» (YPG-ԺԻՋ) լքած լինեն Ռաս ալ-Այն և Թել Աբյադ շրջանները, Եփրատի արևելքում 120կմ շառավղով հատվածը կանցնի Թուրքիայի վերահսկողության տակ:

Նշվում է, որ հրադադարը չի երկարաձգվելու, Թուրքիան կվերսկսի ռազմական գործողություններն այն քուրդ զինյալների դեմ, որոնք դուրս չեն գա վերոհիշյալ շրջաններից, գրում է Ermenihaber.am-ը:

Աղբյուրի պնդմամբ` Թուրքիայի և ամերիկյան իշխանությունների հետ ձեռք բերված կրակի դադարեցման հետևանքով քրդական ուժերին պատկանող 125 զրահամեքենա է դուրս եկել այդ շրջաններից և շարժվել դեպի Հասեքեի կողմ:

Առավել մանրամասն՝ սկզբնաղբյուր կայքում: