Ժողովրդային հանդիպում ՀՅԴ ԳՄ ներկայացուցչի և նախագահի հետ՝ Այնճարում

ՀՅԴ «Կարմիր Լեռ» կոմիտեի քարոզչական հանձնախմբի կազմակերպությամբ՝ սեպտեմբեր 28-ին Այնճարի «Ս. Զէյթլեան» ժողովրդային տանը անցկացվել է ժողովրդային հանդիպում` ՀՅԴ Հայաստանի Գերագույն մարմինի ներկայացուցիչ Իշխան Սաղաթելյանի եւ նախագահ Սիմոն Սիմոնյանի հետ. տեղեկացնում է aztagdaily.com-ը:

ՀՅԴ «Կարմիր Լեռ» կոմիտեի քարոզչական հանձնախմբի անդամ Մարինե Գարայանը կոմիտեության եւ հայրենակիցների անունից բարի գալուստ է մաղթել Այնճար եկած՝ ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանին եւ նախագահ Սիմոն Սիմոնյանին: 

ՀՅԴ Հայաստանի ԳՄ ներկայացուցիչն ու նախագահը ներկայացրել են Դաշնակցության քաղաքական ուղեգիծը` իբրեւ ընդդիմադիր կուսակցություն, որը միայն իշխանությունների սխալները չի մատնանշում, այլ նաեւ այլընտրանքներ  է ներկայացնում: Այնուհետև նրանք պատասխանել են ներկաների հարցերին: