Վրաստանը չի ճանաչում Արցախում անցկացված ՏԻՄ ընտրություններն ու դրանց արդյունքները

Վրաստանը հարգում է Ադրբեջանի՝ միջազգայնորեն ճանաչված տարածքային ամբողջականությունը. ասվում է Վրաստանի ԱԳՆ-ի հայտարարության մեջ՝ կապված Արցախում անցկացված ՏԻՄ ընտրությունների հետ. հայտնում է «Ինֆոտեկա 24» կայքը։

«Հաստատելով Ադրբեջանական Հանրապետության ինքնիշխանությունն ու տարածքային ամբողջականությունը իր՝ միջազգայնորեն ճանաչված տարածքներում՝ Վրաստանի ԱԳՆ-ն չի ճանաչում Լեռնային Ղարաբաղում 2019 թվականի սեպտեմբերի 8-ին անցկացված «տարածքային ինքնակառավարման մարմինների» ընտրությունները և դրանց արդյունքները։ Վրաստանի ԱԳՆ-ն աջակցում է հակամարտության խաղաղ կարգավորմանը՝ համապատասխան միջազգային իրավունքի նորմերին և սկզբունքներին, ինչպես նաև միջազգային հանրության մասնակցությամբ»,- ասվում է Վրաստանի ԱԳՆ-ի հայտարարության մեջ, որը տեղադրված է գերատեսչության պաշտոնական կայքում։