6-րդ հարկից ընկած 2.5 տարեկան տղա երեխայի մոտ դրական տեղաշարժ կա. «Սուրբ Աստվածամայր» ԲԿ

Երեւանի Թումանյան 32 հասցեում գտնվող շենքի 6-րդ հարկից ընկած 2.5 տարեկան տղա երեխայի մոտ դրական տեղաշարժ կա։ Այս մասին հայտնում է «Սուրբ Աստվածամայր» ԲԿ մամուլի խոսնակ Գեւորգ Դերձյանը։

«Սեպտեմբերի 5-ին՝ ժամը 10:32-ին, Երեւանի Թումանյան 32 հասցեում գտնվող շենքի 6-րդ հարկից 2.5 տարեկան տղա երեխա էր ընկել: Երեխան անգիտակից վիճակով տեղափոխվել էր «Սուրբ Աստվածամայր» ԲԿ-ի վերակենդանացման բաժանմունք:

Փոքրիկի մոտ առկա են զուգակցված վնասվածքներ, գանգի ոսկրերի ցիրկուլյար կոտրվածք, գլխուղեղի սալջարդ, ողերի կոտրվածքներ, կոնքի ոսկրերի կոտրվածքներ:

Այսօր արդեն երեխայի մոտ քիչ, բայց դրական տեղաշարժ կա: Սկսել է շնչել ինքնուրյուն: Վիճակը շարունակում է մնալ ծանր, բայց կայուն է: Շարունակում է մնալ վերակենդանացման բաժանմունքում: «Սուրբ Աստվածամայր» ԲԿ-ի բժիշկների խիստ հսկողության տակ է»,– գրել է նա։