Ստավրոպոլում կործանված Սու-25 գրոհիչի օդաչուների մարմինները հայտաբերվել են

Նախօրեին ՌԴ Ստավրոպոլի երկրամասում կործանված Սու-25 ռազմական ինքնաթիռի օդաչուների մարմինները հայտնաբերվել են օդանավի ընկնելու վայրում. հայտնում է РИА Новости-ն:

Ավելի վաղ տեղեկացրել էինք, որ երեկ Ստավրոպոլի երկրամասի Բուդյոնովսկ քաղաքի օդանավակայանից թռիչքից հետո Սու-25 գրոհիչ է կործանվել:

Միջադեպի կապակցությամբ ՌԴ պաշտպանության նախարարության մամուլի ծառայությունից հայտնել են, որ վթարը տեղի է ունեցել ամայի տարածքում: Ինքնաթիռը պայթել ու ամբողջովին կործանվել է գետնին բախվելուց հետո:

Ավելի վաղ լրատվամիջոցներում տեղեկություններ էին տարածվել նաև, որ օդաչուները դուրս են նետվել ինքնաթիռից: Որոնողական աշխատանքները տևել են մոտ մեկ օր: