ՀՀ ԶՈՒ Սու-25-ը վթարվել է Մարալիկի լեռներում, հայտնի են զոհված օդաչուների անունները

ՀՀ ՊՆ մամուլի խոսնակ Արծրուն Հովհաննիսյանը ֆեյսբուքյան իր էջում գրել է, որ ՀՀ ԶՈւ Սու-25 մարտական ինքնաթիռի վթարի վայրը հայտնաբերվել է, անձնակազմը զոհված է:

«Վթարի վայրը հայտնաբերվել է։ Մարալիկի տարածաշրջանում է, լեռներում։ Մահացած օդաչուներն են՝ փոխգնդապետ Բաբայան Արմեն, մայոր Մանուկյան Մովսես։ Ցավակցում ենք»,- նշել է նա:

Հիշեցնենք, որ դեկտեմբերի 4-ին` ժամը 10.20-ի սահմաններում, կորել էր  կապը ամենօրյա մարտական պատրաստության պլանով ուսումնամարզական թռիչք իրականացնող` ՀՀ զինված ուժերի Սու-25 մարտական ինքնաթիռի հետ: Ինքնաթիռը թռիչքային երթուղի էր դուրս եկել ժամը 10.06-ին Գյումրու օդանավակայանից: