Թուրքիան չի ընդունել և չի ընդունի Ղրիմի բռնակցումը. Էրդողան

Ուկրաինայի նախագահ Վլադիմիր Զելենսկին Անկարայում հանդիպել է Թուրքիայի նախագահ Ռեջեփ Թայիփ Էրդողանի հետ: Համատեղ մամուլի ասուլիսի ժամանակ Էրդողանը հայտարարել է, որ Թուրքիան չի ընդունել և չի ընդունի Ղրիմի բռնակցումը Ռուսաստանին: Այդ մասին տեղեկացնում է РИА Новости-ին: Ըստ աղբյուրի՝  Ղրիմի խորհրդարանի պատգամավոր Վլադիսլավ Գանժարան հայտարարել է, որ Թուրքիան երկակի խաղ է խաղում:

«Էրդողանի հայտարարության մեջ մենք առաջին անգամ չէ, որ տեսնում ենք թուրքական պետության երկակի ստանդարտների քաղաքականությունը: Համոզված եմ, որ դե ֆակտո Էրդողանը հասկանում է, որ Ղրիմը Ռուսաստանն է: Մնում է միայն դա բարձրաձայն ընդունել, որպեսզի առաջ շարժվենք ռուս-թուրքական հարաբերություններում», – ասել է նա: