Ղրղզստանի խորհրդարանի պատգամավորը հերքել է Ատամբաևի ձերբակալության լուրը

Ղրղզստանի խորհրդարանի պատգամավոր Իրինա Կարամուշկինան հերքել է երկրի նախկին նախագահ Ալմազբեկ Ատամբաևի ձերբակալության մասին տեղեկությունը: Պատգամավորը հայտնել է, որ քաղաքական գործչին չեն ձերբակալել, և նա պատսպարվել է իր տանը:

Հաղորդվում է, որ հատուկջոկատայինները ևս մեկ գրոհ են սկսել նախկին նախագահի տան մոտ, որտեղ գտնվում է Ատամբաևը: 

Ավելի վաղ Ալմազբեկ Ատամբաևի կողմնակիցները РИА Новости-ի թղթակցին հայտնել են, որ ոստիկանությունը ձերբակալել է նախկին նախագահին:Ատամբաևի ձերբակալության համար պատճառ է հանդիսացել այն, որ նա երեք անգամ հրաժարվել է ներկայանալ հարցաքննության` վկայի կարգավիճակում` քրեական հեղինակություն Ազիզ Բատուկաևի անօրինական ազատման գործով:Ատամբաևը հայտարարել է, որ չի ներկայանա հարցաքննության, քանի որ ամենը աբսուրդ է և ինքը մաքուր է ժողովրդի առաջ: