Արյունոտ գիշեր` Զագրեբում. գնդակահարվել է վեց մարդ, այդ թվում՝ չորս երեխա

Խորվաթիայի մայրաքաղաք Զագրեբում օգոստոսի 1-ի ուշ երեկոյան գտել են գնդակահարված վեց մարդու. տեղեկացնում է Sputnik Բելառուս-ը:

Հրաձգությունը տեղի է ունեցել տեղական ժամանակով 21:30-ին Կայզերիցայի շրջանում: Զոհվել է վեց մարդ, այդ թվում, ըստ ոչ պաշտոնական տվյալների, չորս երեխա: Նրանց մարմիններին եղել են հրազենային վերքեր:

Մեկը՝ յոթնամսյա երեխա, ողջ է մնացել, սակայն վերքեր է ստացել ու հոսպիտալացվել: Նախնական տվյալներով՝ սպանությունը կատարել է  տղամարդ, որը հանցագործությունը կատարելուց հետո թաքնվել է: Ենթադրվում է, որ հանցագործության դրդապատճառ է դարձել մարդասպանի խանդը նախկին կնոջ եւ նրա նոր զուգընկերոջ նկատմամբ: Հանցագործին փնտրում է ոստիկանությունը: