Իրանը մտադիր է Միջուկային գործարքով ստանձնած իր պարտավորությունները կրճատել սեպտեմբերին. Ռյաբկով

Իրանը մտադիր է Միջուկային համապարփակ համաձայնագրով ստանձնած իր պարտավորությունների կրճատման հերթական քայլն իրականացնել սեպտեմբերի 4-5-ը: Այս մասին երեկ՝ հուլիսի 28-ին, Վիեննայում կայացած Միջուկային գործարքի համատեղ հանձնաժողովի արտահերթ նիստի ավարտին լրագրողների հետ հանդիպման ժամանակ ասել է ՌԴ ԱԳ փոխնախարար Սերգեյ Ռյաբկովը. հաղորդում է ԻՌՆԱ-ն:

Ըստ նրա՝ Թեհրանը մտադիր է սեպտեմբերի սկզբին իրականացնել երրորդ քայլը` ուղղված համաձայնագրի շրջանակում իր ստանձնած պարտավորությունների կրճատմանը, ինչի մասին որոշում է կայացվել «Ավելի քիչ՝ ավելի քչի դիմաց» սկզբունքով:

«Մենք իրանցիներին կոչ ենք արել, այնուամենայնիվ, զերծ մնալ դրանից»,- ասել է Ռյաբկովը: