ԵՄ-ի որոշումը չի ազդի Թուրքիայի վրա. Թուրքիայի ԱԳՆ

Թուրքիայի արտաքին գործերի նախարարությունն անդրադարձել  է ԵՄ Խորհրդի` Թուրքիայի նկատմամբ պատժամիջոցներ կիրառելու որոշմանը և հայտարարել, որ այդ պատժամիջոցները ոչ մի կերպ չեն կարող ազդել Թուրքիայի վճռականության վրա. հաղորդում է «Անադոլու» գործակալությունը:

«ԵՄ արտաքին հարաբերությունների խորհրդի կայացրած որոշումները ոչ մի կերպ չեն կարող ազդել Թուրքիայի կողմից Միջերկրականի արևելյան ջրերում իրականացվող աշխատանքների վրա: Այս որոշումները ցույց են տալիս, որ խոսք անգամ չի գնում Կիպրոս կղզու բնական պաշարների նկատմամբ հավասար իրավունքներ ունեցող կիպրոսցի թուրքերի մասին, այնպիսի տպավորություն է` կիպրոսցի թուրքերը չկան,  և երևում է ԵՄ-ի` Կիպրոսի հարցում կողմնակալությունը և նախապաշարմունքը»,- նշված է Թուրքիայի ԱԳՆ հայտարարության մեջ: