Քաղաքացիները կրկին աղբ էին բերել քաղաքապետարան

Երևանի քաղաքապետարանի շենքի առջև մի խումբ քաղաքացիներ բողոքի ակցիա էին իրականացնում՝ իրենց դժգոհությունն արտահայտելով քաղաքի աղբահանության վիճակի կապակցությամբ:

«Արմենպրես»-ը տեղեկացնում է՝ ակցիայի մասնակիցները, ի նշան բողոքի, հավաքել են աղբն ու բերել քաղաքապետարան: Նրանց, սակայն, չի հաջողվել քաղաքապետարանի շենքի աստիճաններից այն կողմ անցնել, քանի որ ոստիկանության աշխատակիցները չեն թույլատրել դա անել: Ոստիկանները պահանջել են, որպեսզի ակցիայի մասնակիցներն աղբը նետեն աղբամանը, սակայն նրանք չեն ենթարկվել ոստիկանության աշխատակիցների պահանջներին, ինչից հետո իրավապահ մարմինները երկու անձի բերման են ենթարկել ոստիկանության բաժին:

Հիշեցնենք, որ նմանատիպ ակցիա իրականացվել էր նաեւ հուլիսի 8-ին: