Թեհրանն անպատասխան չի թողնի Grace 1 նավթատար նավի ձերբակալությունը

Թեհրանն անպատասխան չի թողնի Ջիբրալթարի իշխանությունների կողմից Grace 1 նավթատար նավի ձերբակալությունը: Այդ մասին ասել է Իրանի ԶՈւ գլխավոր շտաբի պետ Մոհամադ Բաղերին. հայտնում է Tasnim-ը:

«Իրանական նավթատար նավի ձերբակալութունը չի մնա առանց պատասխանի, որը կլինի ճիշտ վայրում և ճիշտ ժամանակին»,- ասել է նա:

Հիշեցնենք, որ հինգշաբթի հայտնի է դարձել, որ Ջիբրալթարում բրիտանական իշխանությունները ձերբակալել են նավթատար նավ, որը հում նավթ էր տեղափոխում Սիրիա: Ըստ Ջիբրալթարի վարչապետ Ֆաբիան Պիկարդոյի` տեղեկություն է եղել, որ Grace 1 նավը գործել է` Սիրիայի դեմ ԵՄ պատժամիջոցների խախտելով: Իրանի ԱԳՆ-ն բողոք է հայտնել Բրիտանիային և պահանջել ազատ արձակել նավը: