Սաուդյան Արաբիան Թուրքիայում իր քաղաքացիներին կոչ է արել ուշադիր լինել անձնագրերին և գումարներին

Սաուդյան Արաբիայի ԱԳՆ-ն հայտարարություն է տարածել, որում կոչ է անում Թուրքիայում գտնվող իր քաղաքացիներին` զգուշանալ գողություններից, տեր կանգնել անձնագրերին և գումարներին, իսկ արտակարգ իրավիճակներում դիմել դեսպանատուն կամ գլխավոր հյուպատոսարան:

«Թուրքիայի Հանրապետության որոշ շրջաններում սաուդցի քաղաքացիների անձնագրերը և գումարները գողանում են անհայտ անձինք, հատկապես մարդաշատ վայրերում անհրաժեշտ է ուշադիր լինել անձնագրի և այլ արժեքավոր իրերի նկատմամբ: Ցանկացած արտակարգ իրավիճակում պետք է դիմել դեսպանատուն կամ գլխավոր հյուպատոսարան»,- հաղորդում է «Սպուտնիկի» թուրքական ծառայությունը` Սաուդյան Արաբիայի ԱԳՆ-ին հղումով: