Ուկրաինան կարող է դադարեցնել իր անդամակցությունը ԵԽԽՎ-ին

ԵԽԽՎ-ում ուկրաինական պատվիրակությունը Ուկրաինայի նախագահ Վլադիմիր Զելենսկիին առաջարկել է դադարեցնել անդամակցությունն այդ կազմկերպությանը ռուսական ներկայացուցիչների վերադարձից հետո: Այդ մասին հայտարարել է Գերագույն ռադայի առաջին փոխնախագահ Իրինա Գերաշչենկոն. հայտնում է РИА Новости-ն:

 Ավելի վաղ Yerkir.am-ը տեղեկացրել էր, որ ԵԽԽՎ-ն երեկ կայացած նիստում կողմ քվեարկեց կանոնակարգային կոմիտեի ղեկավար Պետրա դե Սուտերի զեկույցին, որում բանաձև է ներառված, որը թույլ է տալիս Ռուսաստանին մասնակցել հունիսյան նստաշրջանին: Կողմ է քվեարկել 118 պատգամավոր, դեմ` 62-ը, 10-ը ձեռնպահ են մնացել:

Դրանից հետո ՌԴ-ն  ԵԽԽՎ աշխատանքներին մասնակցելու հայտ է ներկայացրել:

Հիշեցնենք, որ ռուսական պատվիրակությունը 2014-ի ապրիլին Ուկրաինայում իրադարձությունների հետ կապված զրկվել է քվեարկության իրավունքից: