Վրաստանն արևմտյան աշխարհաքաղաքական հաշվարկված քաղաքականության հետևանքների օրինակն է. Լավրով

Արևմուտքը աչք  է փակում Վրաստանում ռուսատյացության վրա: Այդ մասին հայտարարել է ՌԴ ԱԳ նախարար Սերգեյ Լավրովը` մեկնաբանելով Վրաստանում ստեղծված իրավիճակը. հայտնում է Лента.ру-ն:

«Արևմտյան համակարգողները պատրաստ են աչք փակել ազգայնականների անօրինությունների, ռուսատյացության վրա, միայն թե խզեն Վրաստանի ժողովրդի բոլոր կապերը մեր երկրի հետ, փոխեն մեր ընդհանուր պատմությունը»,- ասել է նա:

«Վրաստանը արևմտյան աշխարհաքաղաքական հաշվարկված քաղաքականության հետևանքների օրինակը դարձավ»,- հավելել է Լավրովը:

Հիշեցնենք, որ ցույցերը Վրաստանում շարունակվում են արդեն գրեթե 4 օր: Զանգվածային բողոքի պատճառ է դարձել երկրի  խորհրդարանում ՌԴ Պետդումայի պատգամավոր, Ուղղափառության միջխորհրդարանական վեհաժողովի նախագահ Սերգեյ Գաբրիլովի՝ խորհրդարանի խոսնակի աթոռից ելույթ ունենալու փաստը: