Իրանի դեմ պատժամիջոցները հիմնավորված չեն. Պուտին

ՌԴ նախագահ Վլադիմիր Պուտինն «ուղիղ կապ»-ի ժամանակ անդրադարձել է նաև Իրանի շուրջ ստեղծված իրավիճակին:

РИА Новости-ն հայտնում է, որ նա ասել է, որ  Իրանը լիարժեք կատարում է Ատոմային էներգիայի միջազգային գործակալության հետ պայմանավորվածությունները, ոչինչ չի խախտում, այդ իսկ պատճառով Թեհրանի դեմ պատժամիջոցները հիմնավորված չեն:

Հարցին`  ԱՄՆ-ի և Իրանի միջև պատերազմ կլինի՞, Պուտինը պատասխանել է, որ նման հարցեր տալիս են, քանի որ ԱՄՆ նախագահ Դոնալդ Թրամփի հետ «ուղիղ կապ» չի անցկացվում:

«Պատերազմն իսկական աղետ կլինի:Կարծում եմ նաև, որ նա, ով նման քայլ կձեռնարկի, տխուր հետևանքների կբախվի, քանի որ չափազանց բարդ է հաշվարկել՝ ինչ տեղի կունենա ռազմական ուժի կիրառումից հետո: »,- հավելել է նա: