Թեհրանը չի բանակցի Վաշինգտոնի հետ ճնշման տակ. Խամենեի

Թեհրանը չի բանակցի ԱՄՆ-ի-ի հետ ճնշման տակ և չի վստահում Վաշինգտոնին, որի հետ  «դառը փորձը» չի ցանկանում կրկնել: Այդ մասին Ճապոնիայի վարչապետ Սինձո Աբեի հետ հանդիպման ժամանակ հայտարարել է Իրանի հոգևոր առաջնորդ, այաթոլլա Ալի Խամենեին. հայտնում է РИА Новости-ն:

«Իրանը չի վստահում ԱՄՆ-ին, երկրի հետ միջուկային գործարքի հարցով նախորդ բանակցությունների դառը փորձը ոչ մի դեպքում չի կրկնվի, քանի որ ոչ մի խելամիտ ազգ չի գնա բանակցությունների ճնշման տակ»,- ասել է նա:

Խամենեին նաև հայտարարել է, որ ԱՄՆ-ին չի հաջողվի փոխել Իրանում գոյություն ունեցող կարգը: «40 տարվա ընթացքում նրանք չկարողացան ազատվել Իսլամական Հանրապետությունից»,- ասել է Իրանի հոգևոր առաջնորդը: