Աճուրդի կհանվի Բեթհովենի մազափունջը

Բրիտանական Sotheby’s աճուրդի տունը վաճառքի կհանի գերմանացի կոմպոզիտոր Բեթհովենի մազափունջը, որը նա կտրել և նվիրել է իր ընկերոջը 1826 թվականին. հաղորդում է Reuters-ը:

Լրատվամիջոցի տեղեկություններով` այն կվաճառվի 19 000 ամերիկյան դոլար նախնական գնով, սակայն աճուրդի տան ներկայացուցչի խոսքով` գինը կարող է աճել:

«Ավստրիացի դաշնակահար Անտոն Հալմը կոմպոզիտորին խնդրել է կնոջը, որպես հիշատակ, մազափունջ նվիրել, սակայն Բեթհովենի ծառան դրա փոխարեն այծի մազեր է ուղարկել, ինչն էլ կոմպոզիտորի զայրույթի պատճառն է դարձել»,- մանրամասնել է ներկայացուցիչը` հավելելով. «Դրանից հետո նա Հալմին մազափունջ է նվիրել, որը կտրել է գլխի հետևի հատվածից՝ գրելով, որ Հալմը կարող է վստահ լինել, որ դրանք իրական են»:

Վիեննայի կոնսերվատորիայի պրոֆեսոր, դաշնակահար Հալմն ավելի ուշ մազափունջը նվիրել է իր ուսանողին: Մազափնջի իսկությունը հետագայում նաև հաստատել է Բեթհովենի առաջին գիտական կենսագրության հեղինակ Ուիլք Թեյերը:

Նշվում է նաև, որ ավելի վաղ աճուրդի տունը վաճառքի էր հանել Բեթհովենի մազափունջը, որը կտրվել էր 1827 թվականին նրա մահվան օրը, նաև` Շոպենի և Մոցարտի մազափնջերը:

Տեսանյութն`այստեղ: