Դոդոնը չեղարկել է խորհրդարանը ցրելու որոշումը

Մոլդովայի նախագահ Իգոր Դոդոնը չեղարկել է խորհրդարանը ցրելու և արտահերթ ընտրություններ անցկացնելու որոշումը. հայտնում է РИА новости-ն:

 Նա նշել է, որ Դեոկրատական կուսակցության փոխնախագահ Պավել Ֆիլիպի հրամանը չի համապատասխանում Սահմանադրության նորմերին:

Հիշեցնենք, որ Մոլդովայում քաղաքական ճգնաժամ է:

Մոլդովայի սոցիալիստների կուսակցությունը, որը ռուսամետ է, և եվրոպամետ ACUM դաշինքը շաբաթ օրը խորհրդարանական մեծամասնություն են կազմել և երկիրը 3 ամիս սպասումից հետո նոր կառավարություն է ստացել: Երկրի Սահմանադրական դատարանը այդ որոշումն անօրինական է համարել: Կիրակի օրը Պավել Ֆիլիպը, որին դատարանը նշանակել է երկրի ժամանակավոր ղեկավար, հրաման է ստորագրել խորհրդարանի ցրման և սեպտեմբերի 6-ին ընտրություններ անցկացնելու մասին:

Նոր կառավարությունը հայտարարել է, որ մինչ այդ իշխող Դեմոկրատական կուսակցությունը ցանկանում է դատավորների միջոցով ուզուրպացնել իշխանությունը: