Եվրոպան խոսքով աջակցում է միջուկային գործարքին, գործով` ոչ. Զարիֆ

Իրանի ԱԳ նախարար Մոհամադ Ջավադ Զարիֆը քննադատել է եվրոպական երկներին` միջուկային գործարքի հարցում մոտեցման  համար` նշելով, որ նրանք խախտել են համաձայնագիրը. հայտնում է РИА Новости-ն:

«Ես հարցում են եվրոպական  կառավարություններին` քանի՞  եվրոպական ընկերություն է ներկայումս գործունեություն ծավալում Իրանում: Քանի՞ եվրոպական բանկ է աշխատում Իրանում: Խոսքերով համաձայնագրին աջակցելու փոխարեն ավելի լավ է` գործնականում ցույց տան իրենց աջակցությունը»,- ասել է Զարիֆը Al-Alam հեռուստաալիքին տված հարցազրույցում:

Նրա խոսքով` Իրանը նույնպես կարող է հայտարարել, որ աջակցում է համաձայնագրին, և միաժամանակ խախտել դրա բոլոր կետերը:

«Հենց դրանով է այժմ զբաղված Եվրոպան»,- հավելել է Զարիֆը: