Մերկելը և Պոմպեոն կքննարկեն մի շարք հարցեր

Գերմանիայի կանցլեր Անգելա Մերկելը հայտարարել է, որ ԱՄՆ պետքարտուղար Մայք Պոմպեոյի հետ բանակցությունների ժամանակ կքննարկի համագործակցությունը Ռուսաստանի հետ, իրավիճակը Ուկրաինայում, Իրանում, Աֆղանստանում և Սիրիայում. հայտնում է РИА Новости-ն:

«Մենք պետք է շատ խնդիրներ քննարկենք, քանի որ աշխարհն անհանգիստ վիճակում է: Առաջին հերթին Իրանի հարցն է և այն, թե ինչ է հարկավոր անել այնտեղ, որպեսզի կանխենք Իրանի կողմից միջուկային զենքի ստեղծումը  և Իրանի այլ ագրեսիվ ակցիաները: Մենք կխոսենք Աֆղանստանի մասին….Մենք կխոսենք Սիրիայում իրավիճակի մասին և, իհարկե, փխրուն Լիբիայի: Պետք է նշել ևս երկու թեմա` ՌԴ-ի հետ համագործակցությունը և Ուկրաինան»,- ասել է Մերկելը Պոմպեոյի հետ բանակցություններից առաջ: