Պատգամավորները ՀԾԿՀ անդամներ ընտրեցին

ՀՀ Ազգային ժողովը քիչ առաջ ընտրեց Հանրային ծառայությունները կարգավորող հանձնաժողովի անդամներ, որոնց առաջադրել էր վարչապետ Նիկոլ Փաշինյանը։ Ընտրությունը տեղի է ունեցել փակ, գաղտնի քվեարկությամբ:

Հանրային ծառայությունները կարգավորող հանձնաժողովի անդամի համար առաջադրված Մեսպրոպ Մեսրոպյանի թեկնածությանը կողմ էր քվեարկել 88 պատգամավոր, դեմ՝ 6: Հանձնաժողովի անդամի թեկնածու Սեդա Շահինյանի օգտին կողմ է քվեարկել 91 պատգամավոր, դեմ՝ 3-ը, Սերգեյ Ավինյանի թեկնածությանը՝ 90 կողմ, 4 դեմ, իսկ Կամո Սարգսյանի թեկնածությանը՝ 87 կողմ, 6 դեմ:

Արդյունքները ներկայացրեց ԱԺ հաշվիչ հանձնաժողովի նախագահ Վահագն Հովակիմյանը: