Կարո Փայլանը քննադատել է թուրքական հայտնի հեռուստասերիալում հայերին դավաճան ներկայացնելու փորձերը

Թուրքիայի Ազգային մեծ ժողովի պատգամավոր Կարո Փայլանը խորհրդարանում քննարկումների ժամանակ անդրադարձել է Թուրքիայի պետական հեռուստատեսությամբ` TRT-ով հեռարձակվող` օսմանյան արյունարբու սուլթան Աբդուլ Համիդ 2-րդի կյանքի մասին պատմող` «Ոստան. Աբդուլ Համիդ» սերիալում ազգային փոքրամասնությունների` մասնավորապես հայերի վերաբերյալ վիրավորական և ատելություն սերմանող դրվագներին:

«Աբդուլ Համիդի մայրը հայ է, ի դեպ: Անունն էլ Վերջին էր: Սերիալում չկա դա: Ամբողջ բյուրոկրատիան, փաշաները հայեր, հույներ էին: Դրա մասին էլ ոչ մի օրինակ չկա: Բայց մի հայ կա, դավաճան: Շատ անակնկալ բան եմ ասելու: Անունը գիտե՞ք այդ հայի: Գարո: Այսինքն` հատուկ են ընտրել: Ինչքան տրամաբանական է»,- Փայլանի խոսքերն է մեջբերում t24.com.tr կայքը: