Ես ուղղակի ամաչում եմ իրենց փոխարեն. արվեստաբան-ասախոսը` բողոքող ուսանողների մասին

Ես ուղղակի ամաչում եմ իրենց փոխարեն,սա վայրենություն և անկարգություն է: Այսպես արձագանքեց Երևանի կինոյի և թատրոնի պետական ինստիտուտի դասախոս, արվեստաբան Հենրիկ Հովհաննիսյանը` մեկնաբանելով մի խումբ ուսանողների բողոքի ակցիան, որոնք պահանջում էին ռեկտորի հրաժարականը:Դասախոսը կարծում է, որ ռեկտոր Լիլիթ Արզումանյանը ընտրվել է  օրինական ճանապարհով

Հենրիկ Հովհաննիսյանի խոսքով` ըստ լուրերի, ցույցի կազմակերպիչները Արմեն Հարությունյանն ու Վասիլի Գևորգյանն են, որոնք հավակնում են ռեկտորի պաշտոնին: Արվեստաբանը մանրամասնեց, որ Արմեն Հարությունյանը իր ուսանողն է եղել, ավելին` ինքն է ուղղել  նրա «անգրագետ դիսերտացիան»: 

«Ինչո՞ւ Արմեն Հարությունյանը կամ Վասիլ Գևորգյանը չեն դիմել ռեկտորի պաշտոնի համար, քանի որ կարգեր և պայմաններ կան դրա համար»-ասաց դասախոսը: