Ես ամաչում եմ, որ այդ մարդը զինվորական ուսադիր է կրում. ԼՂՀ պաշտպանության նախարարը` հայ գերուն «հարցաքննած» գեներալի մասին

«Ես ամաչում եմ, որ այդ մարդը զինվորական ուսադիր է կրում, թեկուզ և իմ հակառակորդն է: Նման մարդը իրավունք չունի այդ կոչումը կրել, որ երկրում էլ որի լինի»: Այս մասին Ստեփանակերտում ի պատասխան Yerkir.am-ի այն հարցին, թե ինչպիսի գնահատական կտաք հայ գերուն «հարցաքննած» Ադրբեջանի ԶՈՒ 3-րդ բանակային կորպուսի հրամանատար, գեներալ-լեյտենանտ Ռովշան Թելման օղլի Աքպերովի գործողություններին՝ նշեց ԼՂՀ պաշտպանության բանակի հրամանատար, գեներալ-լեյտենանտ Մովսես Հակոբյանը:

«Ես ընդհանրապես միշտ հարգանքով եմ վերաբերվում հակառակորդիս , ինձ բախտ է վիճակվել նաև նամուսով հակառակորդի հետ կռվել, ես հպարտություն եմ ապրում, որ իմ հակառակորդն այդպիսինն է : Սակայն այս պարագայում ես ամաչում եմ , որ նման հակառակորդ ունեմ»,-նշել է ԼՂՀ պաշտպանության նախարարը:

Հիշեցնենք, որ այս տարվա օգոստոսի 8-ին Հայաստանի Հանրապետության Տավուշի մարզի Չինարի գյուղի բնակիչ 32-ամյա Կարեն Պետրոսյանը հատել էր սահմանն ու հայտնվել սահմանակից ադրբեջանական գյուղում, որտեղ պատանդառվել էր ադրբեջանցի զինվորականների կողմից:

Ըստ հայ քննչական կոմիտեի տարածած հայտարության` հնարավոր է , որ Կարենին առևանգել են հենց Հայասանի տարածքից: