Փաշինյանը ԼՂ հակամարտությունից խոսելիս նոր ձևակերպում է արել. Коммерсантъ

ՀՀ վարչապետ Նիկոլ Փաշինյանը երեկ հանդիպել է ռուսական ԶԼՄ-ների ներկայացուցիչների հետ: Ի թիվս այլ հարցերի, նա խոսել է նաև ԼՂ հակամարտությունից. գրում է Коммерсантъ-ը:

Ըստ թերթի`Փաշինյանը  միայն հաստատել է բանակցային գործընթացին Ղարաբաղի մասնակցությանը հասնելու իր մտադրությունը, սակայն այս անգամ նոր ձևակերպում արել:

«Ես չունեմ փաստարկներ, թե որ հիմքով պետք է ներկայացնեմ բանակցային գործընթացում Լեռնային Ղարաբաղը: Դա քմահաճույք չէ, դա բանակցային գործընթացի արդյունավետության հարց է: Եթե ինչ-որ մեկն այլ կարծիք ունի, ուրեմն կարծում է, որ Լեռնային Ղարաբաղը Հայաստանի մասն է: Եթե այդպես է, ուրեմն եկեք արձանագրենք դա փաստաթղթերում»,- ասել է Փաշինյանը:

Երևանի կողմից զիջումների մասին հարցին Փաշինյանը չի պատասխանել` ասելով, որ այն պետք է ուղղել միաժամանակ բոլոր կողմերին: