Շերեմետևո օդանավակայանում օդանավի այրվելու հետևանքով 41 մարդ է զոհվել

«Աերոֆլոտ» ավիաընկերության Sukhoi Superjet 100 օդանավի այրվելու հետևանքով զոհվածների թիվը հասել է 41-ի. հայտնում է РИА Новости-ն: Ընդհանուր առմամբ, օդանավում եղել է 78 մարդ, որոնցից ողջ է մնացել 37-ը:

ՌԴ վարչապետ Դմիտրի Մեդվեդևը հրահանգել է պետական հանձնաժողով ստեղծել կատարվածը հետաքննելու համար:

Օդանավը «Շերեմետևո» է վերադարձել թռիչքից 28 րոպե անց: Այն ուղևորվում էր Մուրմանսկ: Վայրէջքի պահին եղանակային անբարենպաստ պայմաններ են եղել, և միայն երկրորդ փորձից է հաջողվել վայրէջք կատարել: Հրդեհը բռնկվել է վայրէջքի պահին: 

Ըստ Вести-ի՝ տարհանման գործընթացը դանդաղեցրել է դարակներից ձեռքի ուղեբեռները դուրս բերելու փորձը։