Հայե՛ր, եթե դուք էլ արխիվ ունեք, բացե՛ք. Էրդողան

Արխիվների զարգացման, թվայնացման և պատմական հետազոտությունների ներդրման գիտաժողովում ելույթի ժամանակ Թուրքիայի նախագահը Հայաստանին կոչ է արել բացել սեփական արխիվները:

«Արևելյան Անատոլիայում մուսուլման կանանց, երեխաների, ծերերի սպանած հայ ավազակախմբերի և նրանց աջակցություն ցույց տվածների նկատմամբ աքսորն այդ ժամանակաշրջանում ամենատրամաբանական քայլն էր: Մենք պատրաստ ենք մինչև անվերջություն բացել մեր արխիվները: Հայե'ր, եթե դուք էլ արխիվ ունեք, բացե'ք: Ամբողջ աշխա'րհ, երրորդ երկրնե'ր, եթե դուք էլ ունեք, բացեք ձեր արխիվները, բերեք: Բոլոր արխիվները հետազոտենք: Ինչ բացահայտվի, որպես քաղաքական գործիչներ, կխոսենք:  Մեր արխիվները միշտ բաց են: Թաքցնելու բան չունենք, ամեն բան պարզ է և հստակ»,- Էրդողանի խոսքերն է մեջբերում «Անադոլու» գործակալությունը: