Կիպրոսը Վրաստանին հողակտոր է նվիրել` ի նշան բազմադարյան բարեկամության

Կիպրոսը Վրաստանին հողակտոր է նվիրել` ի նշան բազմադարյան բարեկամության: Այդ մասին հայտնել է Կիպրոսի նախագահ Նիկոս Անաստասիադիսը Վրաստանի նախագահ Սալոմե Զուրաբիշվիլիի հետ հանդիպումից հետո. հայտնում է Грузия Онлайн-ը:

Նրա խոսքով`  Վրաստանի քաղաքացիները, որոնք բնակվում են Կիպրոսում,  ոչ միայն շատ են զարգացնում իրենց  պետությունը` մշակույթի առումով, այլև մեծ մասնակցություն ունեն տնտեսական կառավարման գործընթացում:

«Մեր դարավոր հարաբերություններն ընդգծելու համար Կիպրոս պետությունը Վրաստանին հողակտոր է նվիրել, որպեսզի այդ շրջանում, որտեղ արդեն առկա են 10-րդ դարի ավերակներ, նոր վանք կառուցվի»,- ասել է Կիպրոսի նախագահը: