Ասադի հետ հանդիպման զեկուցագիրը հանձնելու եմ Էրդողանին. Զարիֆ

Պաշտոնական այցով Թուրքիայում գտնվող` Իրանի ԱԳՆ ղեկավար Մուհամադ Ջավադ Զարիֆը Թուրքիայի իր պաշտոնակից Մևլութ Չավուշօղլուի հետ մասնակցել է մամուլի ասուլիսին, որի ժամանակ անդրադարձել է երկու երկրների փոխհարաբերություններին. տեղեկացնում է «Անադոլու» գործակալությունը:

Պատասխանելով լրագրողի հարցին, թե արդյո՞ք ինչ-որ հաղորդագրություն է բերել Սիրիայից Թուրքիային` երեկ Սիրիայի նախագահ Բաշար Ասադի հետ հանդիպումից, Զարիֆը պատասխանել է. «Ես Սիրիայում Բաշար Ասադի հետ երկար հանդիպում ունեցա: Այս հանդիպման խոսակցության վերաբերյալ զեկուցագիրը հանձնելու եմ պարոն նախագահ Ռեջեփ Թայիփ Էրդողանին»:

«Մենք հասկանում ենք Թուրքիայի անհանգստությունը սեփական երկրի դեմ ուղղված վտանգների վերաբերյալ: Մեզ համար շատ կարևոր է թուրք ժողովրդի բարօրությունն ու անվտանգությունը: Այս թեմայով շատ լուրջ համագործակցություն ունենք»,- ասել է նա: