Էրդողանի կուսակցությունը պաշտոնապես դիմել է Ստամբուլում ընտրությունների արդյունքները չեղարկելու համար

Թուրքիայի իշխող «Արդարություն և զարգացում» կուսակցության փոխնախագահ Ալի Իհսան Յավուզը քիչ առաջ հայտարարել է, որ պաշտոնապես դիմել են Թուրքիայի Բարձրագույն ընտրական հանձնաժողով` Ստամբուլում ընտրությունների արդյունքները չեղարկելու համար. հաղորդում է Euronews-ի թուրքական ծառայությունը:

Նշենք, որ մարտի 31-ի ՏԻՄ ընտրությունների հաշվարկները մի շարք շրջաններում, գլխավորապես` Ստամբուլում, չեն ավարտվել: Ըստ նախնական հաշվարկի` Ստամբուլում հաղթել է ընդդիմադիր Հանրապետական-ժողովրդական կուսակցության թեկնածու Էքրեմ Իմամօղլուն: ԱԶԿ-ի` անվավեր քվեները վերահաշվարկելու պահանջից հետո 12 մլն ընտրող ունեցող Ստամբուլում երկու թեկնածուների միջև տարբերությունը կազմում է մոտ 13 հազար ձայն: