Լարված իրավիճակ` Զարթոնքում. կրակոցներ են հնչել

Մի քանի ժամ է` լարված իրավիճակ է ստեղծվել Արմավիրի մարզի Զարթոնք գյուղում։ Գյուղի մեծ թվով բնակիչներ փակել են երկաթուղին, նստել ռելսերին։ Այս պահին գյուղում են ոստիկանության ծառայողներ ոչ միայն Արմավիրի մարզից, այլ նաև ոստիկանության քրեական հետախուզության և կազմակերպված հանցավորության դեմ պայքարի գլխավոր վարչություններից։

Մի քանի ամիս է` գյուղի մի խումբ բնակիչներ պահանջում են իրենց գյուղապետ Պարույր Սարգսյանի հրաժարականը, իսկ այսօր առավոտյան Զարթոնքի բնակիչները փակել են գնացքի ճանապարհը՝ ասելով, որ լուսադեմին գյուղում կրակոցներ են հնչել:

«4 հոգի վիրավոր է: Ըստ մեր ունեցած տեղեկությունների` կրակել է գյուղապետի թոռը: Իսկ գյուղապետի դուստրը, որը նաև մեր դպրոցի տնօրենն է,  հայհոյանքներ է հնչեցրել անցնող կանանց հետևից»,- պատմում  եմ գյուղացիները: