Ազատ արձակեք Ասանժին, թե չէ` կվճարեք. Anonymous

Հաքերների և ակտիվիստների  միջազգային անանուն ցանցը`Anonymous-ը, դիմել է Մեծ Բրիտանիայի  իշխանություններին և նրանց կողմնակիցներին ամբողջ աշխարհում` կապված WikiLeaks-ի հիմնադիր Ջուլիան Ասանժի ձերբակալության հետ. հայտնում է Газета.ру-ն:

Ցանցի ներկայացուցիչների խոսքով` Ասանժի ձերբակալությունն ապացույցն է այն բանի, որ Բրիտանիայի իշխանությունները ոչ մի բանի առաջ չեն կանգնի, որպեսզի պահպանեն իրենց գաղտնիքները:

«Դա զգուշացում է իսթեբլիշմենթին` ազատ արձակեք Ասանժին, թե չէ` կվճարեք»,- ասվում է  Anonymous-ի հայտարարությունում:

Ասանժը ձերբակալվել է երեկ` բրիտանական ոստիկանության կողմից: Շվեդիայում նա մեղադրվում էր բռնաբարության, իսկ ԱՄՆ-ում`  պետական գաղտնիք պարունակող փաստաթղթերի հրապարակման մեջ: