Ես էլ կենցաղային ենթատեքստ եմ տեսնում. ՊԵԿ նախագահը՝ «Առինջ մոլ»-ում ստուգումների քաղաքական ենթատեքստի մասին

Զինված խումբ էր, թե զինված խումբ չէր, քննիչն այդպիսի որոշում էր կայացրել, միջնորդել էր դատարան, սանկցիա վերցրել և կատարել քննչական գործողություն. լրագրողների հետ զրույցում ասաց ՊԵԿ նախագահ Դավիթ Անանյանը՝ պատասխանելով հարցին, թե ինչո՞ւ էր ՊԵԿ-ը 40 աշխատակցով «Առինջ մոլ»-ում ստուգումներ իրականացնում, զինված խո՞ւմբ էին վնասազերծելու:

«Մասնագետները գնահատել են՝ դատական սանկցիան կատարելու համար պետք է 4 հոգի, 40, թե՝ 140: Եթե որոշում կայացվեր, որ հազար հոգի է պետք, մենք այդ ռեսուրսն էլ կարող էինք տրամադրել»,- ասաց նա:

Դիտարկմանը, որ մարդիկ այդ ստուգումներում քաղաքական ենթատեքստ են տեսնում, Անանյանն արձագանքեց. «Դե, թող տեսնեն: Ես էլ, օրինակ, կենցաղային ենթատեքստ եմ տեսնում: Ամեն մեկը կարող է իր տեսակետն ասել»: