ՊԵԿ-ն այս պահին «Առինջ Մոլ» առևտրի կենտրոնում ստուգումներ է իրականացնում. Գևորգ Պետրոսյան

Պետական եկամուտների կոմիտեն այս պահին «Առինջ Մոլ» առևտրի կենտրոնում ստուգումներ է իրականացնում: Այս մասին Yerkir.am -ի հետ զրույցում հայտնեց «Բարգավաճ Հայաստան» խմբակցության պատգամավոր Գևորգ Պետրոսյանը` հավելելով, որ հարկային մարմինների աշխատակիցների հետ հանդիպման ընթացքում իրեն տեղեկացրել են, որ ՊԵԿ-ը տեղեկություն է ստացել, թե «Առինջ Մոլ»-ում վարձավճարների սահմանաչափը չի համապատասխանում իրականությանը։ Նա նաև նշեց, որ իր անհամաձայնությունն է հայտնել կատարվածի վերաբերյալ:

Ըստ պատգամավորի` կուսակցությունն առաջիկայում կհնչեցնի քաղաքական գնահատական: «Կարծում ենք, որ ՀՀԿ-ի «բարի ավանդույթները» շարունակվում են. երբ ինչ-որ քաղաքական իմաստով սրացումներ են լինում, ապա դա անդրադառնում է Ծառուկյանի բիզնեսների վրա»,- շեշտեց Պետրոսյանը։