Իրանի և Ֆրանսիայի նախագահները հեռախոսազրույց են ունեցել

Իրանի Իսլամական Հանրապետության նախագահ Հասան Ռոհանին երեկ երեկոյան հեռախոսազրույց է ունեցել Ֆրանսիայի նախագահ Էմանուել Մակրոնի հետ. տեղեկացնում է ԻՌՆԱ-ն:

Հեռախոսազրույցի ընթացքում կողմերը քննարկել են երկկողմ հարաբերություններին, տարածաշրջանային և միջազգային հիմնախնդիրներին վերաբերող կարեւորագույն հարցեր:

Իրանի նախագահն անդրադարձել է նախօրեին ԱՄՆ-ի՝ Իսլամական հեղափոխության պահակազորին «օտարերկրյա ահաբեկչական կազմակերպություն» ճանաչելու մասին որոշմանը` նշելով, որ դա միջազգային հարաբերություններում նախադեպ չունեցող, չափազանց սադրիչ և վտանգավոր որոշում է:

«Եթե չլիներ պահակազորի զոհաբերությունը, ապա այսօր տարածաշրջանի առնվազն երկու երկիր հայտնվել էին ԻՊ-ի վերահսկողության ներքո: Պահակազորի գործադրած ջանքերի շնորհիվ ջախջախիչ հարված հասցվեց տարածաշրջանում գործող ահաբեկչական խմբավորումներին»,- ասել է Ռոհանին: