Պուտինը խոսել է ՌԴ-Թուրքիա հարաբերությունների զարգացման լավ մակարդակի մասին

Արդեն տեղեկացրել ենք, որ Կրեմլում մեկնարկել է ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի հանդիպումը:

Պուտինն արձանագրել է  Թուրքիայի հետ հարաբերությունների զարգացման լավ մակարդակ. հայտնում է РИА Новости-ն:

«Մենք տեսնում ենք և արձանագրում մեր հարաբերությունների զարգացման լավ մակարդակ: Առևտրի աճի տեմպը կազմում է 15 տոկոս, ընդհանուր ծալավը հասել է 25 մլրդ դոլարի»,- ասել է նա:

Պուտինը նաև հիշեցրել է համատեղ խոշոր նախագծերի` «Աքույու» ատոմակայանի և «Թուրքական հոսք» գազամուղի մասին:

ՌԴ նախագահը նաև ուշադրություն է հրավիրել միջազգային հարաբերությունների ոլորտում երկու երկրների համագործակցության մեծ ծավալի վրա: