Վիեննայի հանդիպումը ցույց տվեց, որ թեև բարդ է, սակայն նշմարվում են հատման կետեր. Մամեդյարով

Վիեննայի հանդիպումը ցույց տվեց, որ, չնայած բարդություններին, անհրաժեշտ է փորձել որոշել հնարավորությունները: Այդ մասին Մոսկվայում լրագրողների հետ զրույցում ասել է Ադրբեջանի ԱԳՆ ղեկավար Էլմար Մամեդյարովը. հայտնում է Minval.az-ը:

Նախարարը նաև  պատասխանել է հարցին` հնարավո՞ր է, որ այս տարին որոշիչ դառնա ԼՂ հակամարտության համար:

«Ես կցանկանայի, որ հակամարտությունը կարգավորվեր դեռ 2004 թվականին, երբ նոր էի նախարար դարձել: Այն ժամանակ մենք Վարդան Օսկանյանի հետ կոնկրետ պլաններ էինք քննարկում: Մեդիան դրանց մասին չգիտեր, սակայն մեր միջև փոխըմբռնում կար»,-պատասխանել է Մամեդյարովը:

Ըստ նրա` Վիեննայի հանդիպումն, ընդհանուր առմամ,բ ցույց տվեց, որ թեև բարդ է, սակայն նշմարվում են հատման կետեր:

«Բնական է, որ ոչ ոք չի ակնկալում, որ դա արագ կլինի»,- եզրափակել է Մամեդյարովը: