Մինչև ավելի լավ պայմաններ չստեղծվեն, Մոնթե Մելքոնյանի անվան ռազմական վարժարանը չի տեղափոխվի․ փոխնախարար

Այսօր ԱԺ-ում լրագրողների հետ զրույցում ՊՆ փոխնախարար Գաբրիել Բալայանն անդրադարձավ Մոնթե Մելքոնյանի անվան ռազմական վարժարանի տեղափոխման հարցին: Նա նշեց, որ քանի դեռ ավելի լավ պայմաններ չեն ստեծվել, ռազմավարժարանը չի տեղափոխվի: Ավելին` դեռևս վարժարանի՝ Դիլիջանից օտարման որոշում չկա։ 

Ըստ փոխնախարարի` քննարկումները կսկսվեն այն ժամանակ, երբ հայտնվի պոտենցիալ ներդրողը, և եթե պայմաններ ստեղծվեն Մոնթե Մելքոնյանի անվան վարժարանի սաների համար, այդ ժամանակ էլ այն կտեղափոխվի:

Ըստ փոխնախարարի՝ Մոնթե Մելքոնյանի անվան վարժարանը թերբեռնված չէ, ավելին՝ քննարկվում էր ավելի շատ մարդ ընդունելու հարցը, քանի որ դիմողները շատ էին։