Սեպտեմբերի 1-ին Մոնթե Մելքոնյանի անվան վարժարանի սաները կտեղափոխվեն Դիլիջան` վարժարանի նոր համալիր

Ս.թ. սեպտեմբերի 1-ին` ժամը 10.00-ին, ՀՀ ՊՆ Մոնթե Մելքոնյանի անվան ռազմամարզական վարժարանի ուսուցչական կազմն ու սաները հանդիսավոր պայմաններում հրաժեշտ կտան Երևանում գտնվող շենքին (հասցեն` Հալաբյան 44) և կտեղափոխվեն Դիլիջան` ռազմամարզական վարժարանի նոր համալիր, մասնակցելու Գիտելիքի և դպրության օրվա կապակցությամբ կազմակերպված միջոցառմանը:

Սեպտեմբերի 1-ին` նոր ուսումնական տարվա մեկնարկի կապակցությամբ, հանդիսավոր միջոցառումներ կանցկացվեն նաև ՀՀ ՊՆ Վազգեն Սարգսյանի անվան ռազմական համալսարանում (ժամը 08.00-ին) և ՀՀ ՊՆ մարշալ Արմենակ Խանփերյանիցի անվան ռազմաավիացիոն համալսարանում (ժամը 09.00-ին), որոնց կմասնակցեն ՀՀ ՊՆ, ԶՈւ և ԶՈւ ԳՇ ղեկավար կազմի ներկայացուցիչները:

ՀՀ ՊՆ, ԶՈւ և ԶՈւ ԳՇ բարձրաստիճան սպայակազմը և զորամասերի հրամանատարները «Արիության դասեր» անցկացնելու նպատակով սեպտեմբերի 1-ին կայցելեն կցագրված ուսումնական հաստատություններ: