Պուտինը Էրդողանին հրավիրել է Ղրիմում մզկիթի բացմանը

Ռուսաստանի նախագահ Վլադիմիր Պուտինը Թուրքիայի նախագահ Ռեջեփ Թայիփ Էրդողանին հրավիրել է Ղրիմի Սիմֆերոպոլ քաղաքում կառուցվող Ջումա մզկիթի բացման արարողությանը: Ըստ Sputnik-ի թուրքական ծառայության` Էրդողանը դրական պատասխան է տվել:

Ղրիմում հասարակական կազմակերպությունների ներկայացուցիչների հետ հանդիպման ժամանակ Պուտինն ասել է. «Նախագահ Էրդողանին հրավիրել եմ: Նա այս թեմայով արդեն տեղեկացված է, և ինչքան հասկանում եմ, այս հրավերին բավական դրական է վերաբերվում: Տեսնենք ինչպես կլինի, արդյո՞ք կգտնի գալու ժամանակ և հնարավորություն»:

Մզկիթի բացումը տեղի կունենա 2019 թ. ապրիլի 21-ին:  Նախատեսվում է, որ այն դառնալու է Ղրիմում մուսուլմանների ամենամեծ և ամենատարողունակ աղոթավայրը: