Ալիևը Էրդողանից պահանջել է Հայաստանին սահմանակից նահանգներում աջակցել ազգայնականներին

Ադրբեջանի նախագահ Իլհամ Ալիևը պահանջել է Էրդողանից` աջակցել Իգդիրում և Կարսում «Ազգայնական շարժում» կուսակցության («Գորշ գայլեր»)  առաջադրած թեկնածուին. հայտնում է gazeteduvar.com.tr կայքը:

Իգդիրում, որտեղ գերակշռում են քրդերն ու ադրբեջանցիները, արդեն 10 տարի է` ղեկավարվում է քրդական «Ժողովրդավարական հասարակություն» կուսակցության (Demokratik Toplum Partisi) անդամ քաղաքապետի կողմից, ինչը Թուրքիայում և Ադրբեջանում մեծ դժգոհություն էր առաջացրել: 2009 թ.  Թուրքիայի այդ ժամանակվա փոխվարչապետ Ջեմիլ Չիչեքը հայտարարել էր. «Իգդիրն էլ վերցրեցին, այսինքն` Հայաստանի սահմանի վրա են հույսները դրել: Այստեղ պետք է զգոն լինենք»:

Թուրքիայում «երկրորդ Ադանա» կոչվող Իգդիրը, որը համարվում է Հայաստանի, Իրանի և Ադրբեջանի հետ սահմանային քաղաք, այս ընտրությունների ամենաքննարկվող թեմաներից է: