Սաուդյան Արաբիայի թագաժառանգը հրամայել է խոշտանգել թագավորության այլախոհ հպատակներին. The New York Times

Սաուդյան Արաբիայի թագաժառանգ արքայազն Մոհամեդ բեն Սալման ալ Սաուդն ընդդիմադիր լրագրողի սպանությունից մեկ տարի առաջ այլախոհության ճնշման արշավ էր սկսել, որի նպատակն է եղել լրտեսել, խոշտանգումների ենթարկել թագավորության հպատակներին: Այս մասին տեղեկացնում է New York Times-ը:

Արշավին ակտիվ մասնակցել են լրագրող Խաշուկջիի սպանությանն առնչություն ունեցող անձինք, որոնք 2017 թվականից մասնակցել են նմանատիպ  բնույթի առնվազն 10 գործողության:

Գործողությունների ընթացքում սաուդցիներին արաբական մի շարք երկրներից բռնի կերպով վերադարձրել են հայրենիք` տեղավորելով թագաժառանգին պատկանող պալատներում, ուր և խոշտանգել են:

Հիշեցնենք, որ The Washington Post-ի լրագրող Ջամալ Խաշուկջին անհետացել էր 2018թ. հոկտեմբերի 2-ին, երբ մտել էր Ստամբուլում Սաուդյան Արաբիայի հյուպատոսարան: Ենթադրվում է, որ նրան սպանել են հյուպատոսարանի տարածքում, և որ հենց թագաժառանգն է սպանության հրամանը տվել: