Ավստրիայի նախագահը կոչ է արել Եվրոպային` չպարել Թրամփի դուդուկի ներքո

Ավստրիայի նախագահ Ալեքսանդր վան դեր Բելլենը Welt թերթին տված հարցազրույցում կոչ է արել եվրոպական երկրներին` չպարել ԱՄՆ նախագահ Դոնալդ Թրամփի դուդուկի տակ. հայտնում է РИА Новости-ն:

«ԱՄՆ նախագահ Թրամփը առանց որևէ առիթի խզեց Իրանի հետ միջուկային համաձայնագիրը, որի շրջանակում Վաշինգտոնը տարիներ շարունակ մասնակցել է բանակցություններին, այնուհետև արգելեց եվրոպական ընկերություններին Իրանի հետ բիզնես վարել` սպառնալով պատժամիջոցներով: Իմ կարծիքով` դա արդեն չափազանց է: Եվրոպացիները չպետք է պարեն Թրամփի դուդուկի տակ»,- մասնավորապես ասել է նա` կոչ անելով Եվրոպային` ավելի անկախ քաղաքականություն վարել: