Հունաստանի անտիկ թատրոնը 17 դար տևած լռությունից հետո վերաբացվել է

Ապտերայի անտիկ թատրոնը, որը գտնվում է Հունական Կրետե կղզում, 17 դար տևած լռությունից հետո վերաբացվել է. հայտնում է greece10best.com-ը:

Հունական ամենամեծ կղզում գտնվող պատմական այս հուշարձանի վերականգնումից հետո առաջին ցուցադրված ներկայացումը եղել է Հոմերոսի «Ոդիսևս»-ը:

Միջոցառումը կազմակերպվել էր «Chania Antiquities Ephorate»-ի կողմից: Ներկայացման մուտքն ազատ է եղել բոլոր թատերասերների համար:

Թատրոնը միշտ շատ կարևոր դերակատարում է ունեցել անտիկ քաղաքների հասարակական կյանքում: Անտիկ Ապտերայում թատրոնը կառուցված է եղել կղզու հարավային կողմում` Սպիտակ լեռներին դեմ հանդիման (հուն.`Լեֆկա Օրի): Թատրոնի կարևորագույն մասերն են բեմը, նվագախմբի համար նախատեսված տեղը և  ամֆիթատրոնը: