Էրդողանը դատի է տալիս իրեն` «ընտրողներին ահաբեկիչ անվանելու մեջ» մեղադրողներին

Թուրքիայի նախագահ Ռեջեփ Թայիփ Էրդողանը Մարդինում կայացած հանրահավաքի ժամանակ հայտարարել է, որ պատրաստվում է դատի տալ բոլոր այն մարդկանց, որոնք մեղադրում են իրեն քրդամետ Ժողովուրդների դեմոկրատական կուսակցության ընտրողներին ահաբեկիչ անվանելու մեջ. տեղեկացնում է demokrathaber.org կայքը:

«Նրանք ասում են, որ ես ԺԴԿ-ի օգտին քվեարկողներին ահաբեկիչ եմ անվանել: Երեկ նույնիսկ տիկին Մերալը (Մերալ Աքշեներ` «Լավ» կուսակության ղեկավար-խմբ.), առանց ամաչելու, այդ սուտն է ասել: Իմ փաստաբաններին հրահանգել եմ: Իմ գործը նրանց ղեկավարների հետ է, ոչ թե ժողովրդի»,- ասել է նա:

Էրդողանը հավելել է` ահա սրանք են ահաբեկիչները, ես նրանց նկատի ունեմ, և ցույց է տվել մեծ էկրաններին պատկերված` ԺԴԿ ղեկավար կազմին: