Նրանց ֆաշիստ եմ անվանելու այնքան ժամանակ, քանի դեռ նրանք ինձ դիկտատոր կանվանեն. Էրդողանը՝ եվրոպական երկրներին

Թուրքիայի նախագահ Ռեջեփ Թայիփ Էրդողանը հարցազրույց է տվել CNNTurk-ին և Kanal D-ին, որի ընթացքում խոսել է եվրոպական լրատվամիջոցներում իրեն հասցեին վերջին շրջանում հաճախակի հնչող «դիկտատոր» բնորոշման և իր՝ եվրոպական երկրներին «ֆաշիստ» անվանելու մասին: 

Նա հայտարարել է, որ ինքը շարունակելու է նրանց «ֆաշիստ» անվանել այնքան ժամանակ, քանի դեռ նրանք իրեն «դիկտատոր» կանվանեն:

«Դուք Էրդողանին դիկտատոր անվանելու ազատությունն ունեք, իսկ Էրդողանը ձեզ ֆաշիստ կամ նացիստ անվանելու ազատություն չունի՞: Կներեք, իհարկե, բայց ես նրանց ֆաշիստ եմ անվանելու այնքան ժամանակ, քանի դեռ նրանք ինձ դիկտատոր կանվանեն»,-ասել է Էրդողանը: