Ավտոբուսների խցերում օրերս տեսախցիկներ են տեղադրվել, ինչը հարուցել է վարորդների դժգոհությունը. քաղաքապետարանը՝ վարորդների բողոքի մասին

Նոր Նորք վարչական շրջանի Թևոսյան փողոցում գտնվող Երևանի «Ավտոբուս» ՓԲԸ 250-ից ավելի վարորդներ, ի նշան բողոքի, վաղ առավոտից հրաժարվում են դուրս գալ երթուղի:

Երևանի քաղաքապետի մամուլի քարտուղար Հակոբ Կարապետյանը ֆեյսբուքյան իր էջում անդրադարձել է բողոքի պատճառներին: «Երեւանում հանրային ուղեւորափոխադրում իրականացնող «Երեւանի ավտոբուս» ՓԲԸ-ի երկու ավտոբուսների խցերում օրերս տեսախցիկներ են տեղադրվել՝ ծառայության որակը բարելավելու նպատակով։ Սա հարուցել է ընկերության վարորդների դժգոհությունը, որոնց մի մասն այսօր առավոտյան հրաժարվել է դուրս գալ երթուղի։ Այս պահին խնդիրը կարգավորվում է»,- գրել է նա: