Եվրախորհրդարանում մեկնարկել է «Հայատյացություն. պատմական և արդի դրսևորումները» խորագրով` ՀՅԴ Եվրոպայի Հայ Դատի կազմակերպած համաժողովը

Ավելի վաղ Yerkir.am-ը տեղեկացրել էր, որ այսօր Եվրախորհրդարանում  կանցկացվի «Արմենոֆոբիա. պատմական և ժամանակակից վերածնունդ» թեմայով գիտաժողովը, որի ընթացքում տարբեր դիտանկյուններից կքննարկվի տվյալ երևույթը, կտրվի համապարփակ  բնութագիր տարբեր փոխկապակցված երևույթներին, ինչպես նաև կներկայացվեն դրանց դեմ պայքարի ուղիները:Գիտաժողովին կմասնակցեն պատմաբաններ, քաղաքագետներ, լրագրողներ, մարդու իրավունքների պաշտպաններ, ակտիվիստներ և ականատեսներ: Հյուրերի թվում են Թուրքիայում մարդու իրավունքների ակտիվիստ Ռագըփ Զարաքոլուն, Կրակովի Ջագիելլոնիան համալսարանի պրոֆեսոր Յակուբ  Օսիեցկին, բլոգեր Ալեքսանդր Լապշինը, Արցախի մարդու իրավունքների պաշտպան Արտակ Բեգլարյանը և նախկին ՄԻՊ, իրավաբան Ռուբեն Մելիքյանը: